20 апреля 2012 г.
Районти вĕрентÿ учрежденийĕсенче апрелĕн 1-мĕшĕнчен пуçласа апрелĕн 30-мĕшĕччен ĕçлев сыхлавĕн уйăхлăхĕ пырать.
Ăна ĕç условийĕсене лайăхлатса пырас, суранланассинчен сыхланас, ачасене хăрушсăрлăх мелĕсене вĕрентес тĕллевпе йĕркелеççĕ. Вĕрентÿ учрежденийĕсенче ĕçлев сыхлавĕ пирки приказсем кăларса çакнă, ĕç планĕсем çирĕплетнĕ.
Уйăхлăх вăхăтĕнче ĕçлев сыхлавĕ тĕлĕшпе нормативлă право акчĕсен содержанине, пурнăç хăрушсăрлăхĕпе çыхăннă стендсене çĕнетеççĕ. Вĕрентекенсемпе, ĕçлев сыхлавĕшĕн яваплă çынсемпе тата уполномоченнăйсемпе ĕç условийĕсене лайăхлатас, ĕçри хăрушсăрлăхпа тивĕçтерес ыйтусемпе канашлусем ирттереççĕ. Уйăхлăх вăхăтĕнче вĕренекенсемпе те аманассинчен, пурнăçра инкек-синкекрен сыхланас, пирвайхи медицина пулăшăвĕ парас ыйтусемпе калаçусем йĕркелеççĕ.
Источник: "Ял ĕçченĕ"