13 апреля 2012 г.
Апрелĕн 7-мĕшĕнче ирттернĕ çурхи кроса районти пур шкултан та – пурĕ 212 вĕренекен – хутшăнчĕ. 4–5 классенче вĕренекен хĕрачасем 300, арçын ачасем 500, 6–7 классенче вĕренекенсем 500–1000, 8–9 классем – 1000–2000, 10–11 классем 2000–3000 метрлă дистанцисене чупрĕç. Ксения Афонина (Мучар), Владимир Александров (Йăнтăрчă), Диана Ивановапа Николай Емельянов (иккĕшĕ те Йăнтăрчă шкулĕнчен), Кристина Ивановапа (Тĕмер) Александр Степанов (Пуянкасси), Людмила Николаевапа (Йăнтăрчă) Олег Волков (Тĕмер) дистанцисенче çĕнтерÿçĕсем пулса тăчĕç. Мала тухнисене грамотăсемпе медальсем парса хавхалантарнă. Куçса çÿрекен кубока Тĕмер шкулĕ çĕнсе илнĕ, йăнтăрчăсем 2-мĕш, тăвайсем 3-мĕш вырăнсем йышăннă.
Источник: "Ял ĕçченĕ"