06 апреля 2012 г.
Районти вĕрентÿ учрежденийĕсенче ĕçлекен хĕрарăмсен командисем волейболла выляса тупăшрĕç. Ача-пăча спорт шкулĕнче уçрĕç ăмăртусене. Район администрацийĕн пуçлăхĕн ĕçĕсене туса пыракан В.Ванерке саламласа, ăнăçусем сунчĕ волейболисткăсене.
Икĕ ушкăнра тупăшрĕç хĕрсемпе хĕрарăмсем. Йăнтăрчăсем, тăвайсем, тăрмăшсем, тĕмерсем, тушкилсем пулчĕç пĕрремĕшĕнче. Тепринче – элпуçсем, çĕнĕпуянкассисем, енĕшнăрвашсем, чутейсем.
Вăйăсем çÿллĕ шайра иртрĕç, пурте çĕнтерÿ патне талпăнчĕç. Район чемпионĕ ятне илессишĕн юлашкинчен тушкилсемпе элпуçсем тупăшрĕç. Тушкилти вăтам шкулта ĕçлекенсем Кубока алран вĕçертмерĕç. Элпуçсемпе тĕмерсем – иккĕмĕшпе виççĕмĕш вырăнсенче.
Источник: "Ял ĕçченĕ"