03 февраля 2012 г.
Нумаях пулмасть Елчĕк районĕнчи Аслă Елчĕк ялĕнче çуралса ÿснĕ Анатолий Патшин воин-интернационалиста, спортсмена асăнса наци кĕрешĕвĕпе йăлана кĕнĕ турнир иртрĕ. Унта Чăваш Енри çăмăл атлетсем тата кÿршĕллĕ тутар ялĕсенчен те хутшăнчĕç.
Пирĕн Енĕш Нăрвашри вăтам шкултан турнира хутшăннă Константин Станюков (8 кл.) кĕрешÿре 2-мĕш вырăн йышăнчĕ, Николай Гурьев (7 кл.) чи лайăх вунă кĕрешÿçĕ йышне кĕнĕ.
Нăрвашсене спонсор пулса «Аскар» студи ертÿçи А.В.Иванов (Сĕрмек) пулăшрĕ.
Источник: "Ял ĕçченĕ"