Публикации » Пĕлÿ “тинĕсĕнче” ишрĕç

Чутейри вăтам шкулта тăваттăмĕш класра вĕренекенсем Пĕлÿ кунне лайăх уявларĕç. Вĕсем “Вăйли” тата “Хăюлли” ятлă карапсем çине ларса Пĕлÿ “тинĕсне” ишсе тухрĕç. “Юмахри пек”, “Çирĕп”, “Тавçăруллă” тата ытти утравсем çинче чарăнчĕç ачасем. Малтанхинче асамçă хĕр ыйтăвĕсем çине тĕрĕс хуравламалла пулчĕ тăваттăмĕшсен. Юмахри “Бармалей” ачасем патне «Хĕрлĕ калпакăн» костюмĕпе тухрĕ. Вĕренекенсем вăл улталанине хăвăрт ăнкарчĕç. Ытти утравсем çинче математикăпа мĕнле пĕлнине, хăйсене шкулта е класра мĕнле тыткаламаллине кăтартса пачĕç. Пролива пырса кĕрсен вара çулла çуралнă ачасене саламларĕç. Çĕнтерÿçĕне, Ирма Петрована, пултаруллă пулнăшăн ылтăн медаль пачĕç. Тăваттăмĕшсене ку вăйă питĕ килĕшрĕ.

В список