Отдел образования администрации Янтиковского муниципального округа Чувашской РеспубликиОФИЦИАЛЬНЫЙ САЙТ
Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

ГАНОУ «Центр одаренных детей и молодежи «Эткер» Минобразования Чувашии ГАНОУ «Центр одаренных детей и молодежи «Эткер» Минобразования Чувашии
Независимая оценка качества образовательной деятельности
Открытые данные
Положение об отделе образования администрации Янтиковского муниципального округа Чувашской Республики
Общие документы
Справочная информация
Структурные подразделения
Приказы отдела образования администрации Янтиковского муниципального округа
Аналитическая информация
Региональные олимпиады школьников
Региональные олимпиады школьников
Региональные олимпиады школьников
Региональные олимпиады школьников
Орган опеки и попечительства Янтиковского округа в отношении несовершеннолетних
Янтиковская районная организация профессионального союза работников народного образования и науки РФ
Аттестация
Приказ отдела образования администрации Янтиковского муниципального округа от 25.06.2024 № 120 "О внесении изменений в приказ № 39 от 16.02.2024 "О перечне профилей в 2024-2025 учебном году""
Хроника
Награды
Сайты образовательных организаций Янтиковского округа
Прием и обращение граждан
Безопасность образовательных учреждений Янтиковского округа
Образовательные ресурсы
События

Публикации » Савăнăçлă лару-тăрура уçрĕç

29 января 2010 г.

Савăнăçлă лару-тăрура уçрĕç

Кăрлачăн 26-мĕшĕнче Тăвайри вăтам шкулăн актовăй залĕнче савăнăçлă лару-тăрура Вĕрентекен çулталăкне уçрĕç. Мероприятие районти шкулсен директорĕсемпе классен ертÿçисем, Шупашкартан килнĕ хăнасем – ЧР Патшалăх Канашĕн Председателĕн çумĕ Г.Васильев, Чăваш патшалăх педагогика университечĕн педагогика кафедрин профессорĕ Л.Кузнецова хутшăнчĕç.
Тĕлпулăва вĕрентÿ пайĕн пуçлăхĕ В.Шакров ертсе пычĕ. Вĕрентÿ ĕçченĕсене район пуçлăхĕ Н.Иванов саламларĕ. Вăл учитель профессийĕ йывăр, анчах пархатарлă пулнине, пирĕнтен кашниех пурнăç çулĕ çине шкул хыççăн тăнине палăртрĕ. Ахальтен мар 2010 çула патшалăх шайĕнче Вĕрентекене халалланă.
–Районти шкулсенче ĕçлекенсемпе эпир тивĕçлипе мухтанатпăр. Вĕсен хушшинче “Раççейĕн тава тивĕçлĕ вĕрентекенĕ”, “Чăваш Енĕн тава тивĕçлĕ вĕрентекенĕ” ятсене, кăкăр çине çакмалли “Раççейри пĕтĕмĕшле вĕрентĕвĕн хисеплĕ ĕçченĕ” паллăна илнисем сахал мар. Пирĕн вĕрентекенсем Пĕтĕм Раççейри тата республикăри сумлă конкурссене хутшăнаççĕ, финала тухаççĕ, çĕнтерÿçĕсем пулаççĕ. Паянхи педагогсем çĕнĕ программăсене, ку чухнехи вĕрентÿ меслечĕсене алла илеççĕ, малашлăх проекчĕсене пурнăçа кĕртессипе тăрăшаççĕ. Эппин вĕсен ăсталăхĕ çÿллĕ шайра. Эпир сирĕн ĕçĕре пысăк хак паратпăр, Сире чĕререн тав тăватпăр, ” – тенĕ Николай Ильич.
Вĕрентекенĕн ĕçне унăн вĕренекенĕсем тăрăх хаклаççĕ. Юлашки 3 çулта кăна районти 17 вĕренекен республикăри олимпиадăсенче, Тăвайри вăтам шкулти 1 вĕренекен Пĕтĕм Раççейри олимпиадăра малтисен шутне кĕнĕ. Пирĕн вĕренекенсем тĕрлĕ конкурссемпе смотрсенче, фестивальсенче, ăмăртусенче палăраççĕ. Вĕрентÿ системине лайăхлатас задачăсене ăнăçлă татса парасси тĕрлĕ шайри влаç органĕсем пулăшса пынинчен те сахал мар килет. Район администрацийĕ ку тĕлĕшпе тĕллевлĕ ĕçлесе пырать. Вĕренÿ учрежденийĕсен ресурс бази ку чухнехи хатĕрсемпе, техникăпа тĕрекленет, методика пособийĕсемпе пуянланать. Пур шкула та тĕнчери Интернет сечĕпе çыхăннă. Тĕрлĕ ялсенче вĕренекенсене никĕс шкулĕсене автобуспа турттарассине йĕркеленĕ. Вĕренекенсен çирĕп пĕлÿ илме пур май та пур.
Вĕрентекенсен ĕçне тата çÿллĕрех шая çĕклеме кирлине палăртрĕ Николай Ильич. Вĕрентÿпе воспитани ĕçĕнче палăрмалла çитĕнÿсем тăвакансене хавхалантарма 2010 çулта “Кăмăл туртăмĕ” конкурс йĕркелеме тата 9 номинацире район пуçлăхĕн 10-шар пин тенкĕлĕх премине пама йышăннă. Педагогика ĕçченĕсем пурте коммуналлă çăмăллăхсемпе усă кураççĕ, класс ертÿçисене тÿлесси те, кризиса пăхмасăр, сыхланса юлать.
Вĕрентекенĕн çулталăкĕ паллă датăсемпе пĕр килет. Ку вăл Тăвай районне туса хунăранпа 75 çул тата Аслă Çĕнтерÿ тунăранпа 65 çул çитни. Вĕсене пурин те чыслăн кĕтсе илме тăрăшмалла.
Тĕл пулăва хутшăннисене çавăн пекех ЧР Патшалăх Канашĕн Председателĕн çумĕ, “Единая Россия” политика партийĕн регионти политканашĕн членĕ Генрих Васильев саламларĕ. Педагогика наукисен докторĕ, ЧППУри педагогика кафедрин профессорĕ Людмила Кузнецова “Вĕренекенсене патриотла воспитани парас ĕçри çивĕч ыйтусем” темăпа доклад туса пачĕ. Тĕл пулăва хутшăннисем “Районти вĕрентÿ ĕçĕ – ĕнер, паян тата ыран” видеороликпе паллашрĕç.
Ачасемпе çамрăксене патриотла воспитани парас ĕçре усă курма методика литератури хатĕрлессипе районта конкурс иртнĕ, тĕл пулура унăн çĕнтерÿçисемпе мала тухнисене хавхалантарчĕç.
Тăвайри ачасен пултарулăхне аталантаракан центр воспитанникĕсем пухăннисене концерт кăтартрĕç. Фойере “Чĕреме ачасене паратăп”, “Çĕнтерÿ çăмăллăн килмен” куравсем йĕркеленĕ, буфет ĕçленĕ.

Источник: "Ял ĕçченĕ"

Мой МирВКонтактеОдноклассники
Система управления контентом
Отдел образования администрации Янтиковского муниципального округа Чувашской Республики
429290, Чувашская Республика, Янтиковский район, с. Янтиково, пр. Ленина, 13
Телефон: 8 (83548) 2-15-41, 8 (83548) 2-14-47
© При использовании материалов ссылка на данный сайт обязательна
TopList Сводная статистика портала Яндекс.Метрика