23 июня 2017 г.
Пирĕн район пултаруллă çамрăксемпе пуян. Нумаях пулмасть Элĕк вăтам шкулĕнчен вĕренсе тухнă, халĕ Чăваш патшалăх университечĕн студенчĕ, университетри вĕренекенсен профсоюз организацийĕн пирвайхи членĕ Юра Чашков Чăваш Республикин Çамрăксен патшалăх премине тивĕçнĕ. Çамрăк «ЧГУ NEWS» проекта пурнăçа кĕртнĕ.
Асăннă премие 1996 çултанпа параççĕ. Çак тапхăрта ăна 156 çамрăк илме тивĕç пулнă. 2012 çултанпа унăн виçи 5 хут хăпарнă, 2014 çултанпа вара Чăваш Республикин Çамрăксен патшалăх премине илекенсен йышĕ те ÿснĕ.
Источник: "Пурнăç çулĕпе" Аликовская районная газета