17 мая 2016 г.
Ку тĕнчене эпир вăхăтлăха çеç килнĕ. Пурăннă чухне вара хамăрăн çывăх çынсем ĕмĕрлĕх канлĕх тупнă вырăна таса тытса тăмалла.
Смородино ялĕнче пурăнакансем иртнĕ шăматкун çăвара тирпей-илем кĕртрĕç. Ĕç хатĕрĕсене килтен илсе тухса 17 çынран тăракан ушкăн йывăçсене касрĕ, çÿп-çап пуçтарчĕ. Çак пархатарлă ĕçе эпир кашни çулах пурнăçлатпăр. Вырсарникун вара выльăх-чĕрлĕх каçса çÿремелли кĕпере çĕнетрĕмĕр. Кунта пурĕ 9 çын хутшăнчĕ. Сергей Федоровпа Валерий Павлов техника енчен пысăк пулăшу кÿчĕç. Смородино ялĕнче пурăнакансем тасалăхпа тирпейлĕхе малти вырăна хума тăрăшаççĕ. Субботниксене кашни çулах хаваспах хутшăнаççĕ.
Ираида ВАСИЛЬЕВА, ял старости.
Источник: "Пурнăç çулĕпе" Аликовская районная газета