26 февраля 2016 г.
2016 çулхи февралĕн 20-мĕшĕнче район администрацийĕн ЗАГС пайĕнче йĕкĕреш ачасем çуралнине регистрациленĕ. Февралĕн 16-мĕшĕнче кун çути курнăскерсене Александр тата Анна ятсем панă. Кусем - кăçалхи иккĕмĕш йĕкĕрешсем. Пĕрремĕшне январĕн 26-мĕшĕнче регистрациленĕччĕ. Ун чухнехисем арçын ачапа хĕрача - Арсений тата Анастасия.
Йĕкĕрешсем Элĕк салинче пурăнакан Рудольфпа Вероника Яжиковсен çуралнă. Тĕпренчĕксем пĕрин хыççăн тепри 1 минутранах çут тĕнчене килнĕ, çемьере пĕрремĕш тата иккĕмĕш ачасем пулса тăнă.
Район администрацийĕн ЗАГС пайĕн сотрудникĕсем çамрăк ашшĕ-амăшне саламланă. Вĕсене ывăл тата хĕр çурални çинчен свидетельство панă.
Çамрăк çемьене çирĕп сывлăх, ăнăçу сунатпăр, пĕчĕккисене - вăрăм тата телейлĕ кун-çул.
Мария НИКОЛАЕВА, ЗАГС пайĕн начальникĕ.
Источник: "Пурнăç çулĕпе" Аликовская районная газета