26 февраля 2016 г.
Февралĕн 21-мĕшĕнче Шупашкарта Ухсай ячĕллĕ культура çуртĕнче мĕнпур ташă енĕпе Атăлçи федераци округĕн Кубокне çĕнсе илессишĕн «Огни Поволжья» савăнăçлă мероприяти иртрĕ. Вăл Раççейри UNESCO Ташă Канашĕ йĕркеленипе тата Шупашкар хула администрацийĕ пулăшнипе пулчĕ. Турнира пĕтĕм Раççейри ташă организацийĕн йĕркисемпе хакланă. Чемпионатри судьясем квалификациллĕ, çавăн пекех Раççейри тата Чăваш Енри культурăн, спортăн тата искусствăн ертсе пыракан специалисчĕсем.
Конкурсра пирĕн район чысне «Хĕлхем» спорт шкулне çÿрекенсем хÿтĕлерĕç. Вĕсем 3 ушкăнпа «Чир-спорт-Чип-хоп» дисциплинăра ăмăртрĕç. Судьясем вĕсен пултарулăхне пысăк хак пачĕç. «Хĕлхем» спорт шкулĕн воспитанникĕсем 1-мĕш вырăнсем йышăнса 2 кубок тата 2-мĕш вырăнпа 1 кубок илсе килчĕç. Кашни ачана медальпе тата Хисеп хучĕпе чысларĕç.
Источник: "Пурнăç çулĕпе" Аликовская районная газета