17 февраля 2015 г.
Нарăсăн 15-мĕшĕнче совет çарĕсене Афганистанран илсе тухнăранпа 26 çул çитрĕ. Элĕк районĕнчен унти çапăçусене 145-ĕн хутшăннă. Паянхи куна Афганистанра интернационалла тивĕçе пурнăçланисенчен 62-шĕ çеç пурăнаççĕ. Анчах та чылай çул иртсен те вăрçă суранĕсем сипленмеççĕ. Гражданла тивĕçе пурнăçласа пурнăçран вăхăтсăр уйрăлнă Олег Прокопьев (Ишпарайкка) яланлăхах пирĕн асра юлĕ.
Нарăсăн 13-мĕшĕнче Элĕкри вăтам тата Йăлкăшри тĕп шкулсенче вĕренекенсем интернационалла тивĕçе пурнăçланисемпе тĕл пулчĕç. Вăрçă вут-çулăмĕ витĕр тухнисем çитĕнекен ăрăва хăйсем тÿссе ирттернĕ самантсем çинчен каласа пачĕç.
Источник: "Пурнăç çулĕпе" Аликовская районная газета