26 ноября 2014 г.
Чăваш Енре «Эсĕ професси суйлани» акци иртрĕ. Акци вăхăтĕнче район хаçачĕн редакцийĕнче те профориентаци занятийĕ йĕркелерĕмĕр. Унта Элĕкри пĕтĕмĕшле пĕлÿ паракан вăтам шкулта 9 класра вĕренекенсем хутшăнчĕç. Редакци ĕçченĕсем ачасене район хаçачĕн историйĕпе тĕплĕн паллаштарчĕç. Вĕренекенсем журналистсене ыйтусем пачĕç, професси çинчен нумайрах пĕлме тăрăшрĕç. Журналистăн пĕр вăхăтрах психолог та, экономист та пулмалла. Чи кирли - хамăр суйласа илнĕ профессие юратмалла.
Ачасем хаçата пичете мĕнле хатĕрленипе те кăсăкланчĕç. Мастер-класс пурне те килĕшрĕ.
Источник: "Пурнăç çулĕпе" Аликовская районная газета