04 октября 2014 г.
Çитĕнекен ăрăва вĕрентес ĕçре пысăк çитĕнÿсем тунă, шкул ачин ăс-хакăлĕпе культурине ÿстерес тĕллевпе çĕнĕлĕхсемпе усă курнă педагогсене иртнĕ кунсенче Хисеп хучĕсемпе чысларĕç. Элĕкри пĕрремĕш номерлĕ «Çăлкуç» ача сачĕн воспитательне Ольга Алексеевăна* И. Я. Яковлев ячĕллĕ Элĕк вăтам шкулĕнче вырăс чĕлхипе литературине вĕрентекен Светлана Ефремована* вĕренÿпе методика ĕçнĕ лайăх йĕркелесе пынăшăн районти вĕренÿ пайĕн информаципе методика центрĕн аслă методистне Людмила Кузнецовăна* Чăваш Сурăм вăтам шкулĕн тĕп бухгалтерне Альбина Ивановăна Раççей Федерацийĕн Вĕренÿпе наука министерствин Хисеп хучĕсемпе чысларĕç.
Республикăра ачасемпе çамрăксен юрлас пултарулăхне ÿстерес тĕллевпе ирттернĕ «Уçă саслă ачалăх» фестиваль-конкурсра палăрнăшăн Элĕк вăтам шкулĕн хор ертÿçине Чăваш Республикин культура министерствин виççĕмĕш степеньлĕ дипломне панă.
Источник: "Пурнăç çулĕпе" Аликовская районная газета