01 октября 2014 г.
Авăн уйăхĕн вун тăххăрмĕшĕнче Йĕпреç районĕнчи Камаев уйĕнче республикăри 350 ытла спортсмен пухăннă. Вĕсем кроспа кĕрхи чемпионатра тата Чăваш Республикин первенствинче мала тухассишĕн ăмăртнă.
Асăннă спорт мероприятийĕнчен Элĕк районĕ те аякра юлман. Хĕвеллĕ çанталăк спортсменсене хавхалантарса тăнă, тивĕçлĕ çитĕнÿсем тума йывăр трасса та чăрмавлăх кÿмен.
«Хĕлхем» ачасемпе çамрăксен спорт шкулĕнче пĕлÿ илекен Иван Кириллов 1997-1998 çулсенче çуралнисен йышĕнче 2 километра чупса финиша чи малтан çитнĕ. Кунта, паллах, Владимир Николаевич Трофимов тренерăн тÿпи те пысăк. Пĕтĕмĕшле кăтартусемпе Элĕк районĕ чемпионатра виççĕмĕш вырăна тивĕçнĕ.
Источник: "Пурнăç çулĕпе" Аликовская районная газета