27 сентября 2014 г.
Авăн уйăхĕн 22-мĕшĕнче Раççей Федерацийĕн Правительствин председателĕн çумĕ Ольга Голодец хутшăннипе «Россия сегодня» Пĕтĕм тĕнчери информаци агенствинче иртнĕ пресс-конференцире Раççейри чи лайăх 500 шкула палăртнă. Унчченхи çулсенче рейтингра вĕренекенсем лайăх ĕлкĕрсе пынине тĕпе хунă. Кăçал ялти шкулсен, математика, биологи, физикăпа хими предмечĕсемпе тарăн пĕлÿ паракан вĕренÿ учрежденийĕсен ĕç-хĕлне уйрăммăн тишкернĕ.
2014 çулхи Раççейри чи лайăх 500 шкул шутĕнче Чăваш Республикинчи ултă вĕренÿ учрежденийĕ.
Раççейри чи лайăх 200 ялти шкул йышне пирĕн республикăри пилĕк вĕренÿ çурчĕ кĕнĕ. Вăл шутра И. Я. Яковлев ячĕллĕ Элĕкри вăтам шкул та пур