30 ноября 2013 г.
Театр коллективĕсен «Мельпомена асамлăхĕ» уçă фестиваль вĕçленчĕ. Вăрнарти, Красноармейскинчи, Çĕмĕрле районĕнчи Хутарти халăх театрĕсем, Хĕрлĕ Чутайри, Муркаш районĕнчи Йÿçкассинчи театр коллективĕсем сцена çине тухрĕç. Вĕсем элĕксене хăйсен пултарулăхне туллин кăтартса пачĕç. Спектакльсене пурĕ 86 çын хутшăнчĕ. Жюри кашни коллективăн пултарулăхне хакларĕ. Пĕрремĕш вырăна Муркаш районĕнчи Йÿçкассинчи театр коллективĕ «Кантăкран шаккарĕ хамăр ял каччи» спектакльшĕн тивĕçрĕ. Иккĕмĕш вырăна Красноармейскинчи, виççĕмĕшне Вăрнарти халăх театрĕсем йышăнчĕç.
Источник: "Пурнăç çулĕпе" Аликовская районная газета