13 ноября 2013 г.
Çак кунсенче Элĕкри пĕрремĕш номерлĕ «Çăлкуç» ача сачĕ 85 çул тултарчĕ. Юбилей ячĕпе Элĕкри культурăпа кану центрĕнче савăнăçлă мероприяти иртрĕ.
Ача сачĕн заведующийĕ Л.Соколова иртнĕ вăхăтсене аса илчĕ, хальхи патне таврăнчĕ, кунта нумай ĕçленисене ырăпа асăнчĕ. Район администрацийĕн пуçлăхĕн социаллă ыйтусемпе ĕçлекен çумĕ Э.Николаев уява пухăннисене юбилей ячĕпе саламларĕ, ĕçре ăнăçу сунчĕ, парне пачĕ.
«Çăлкуç» садике саламлакансем нумаййăн пулчĕç. Вĕсем пурте ăшă сăмахсем каларĕç. Воспитательсемпе ача садне çÿрекенсенчен хатĕрленĕ концерт пурне те савăнăç парнелерĕ.
Источник: "Пурнăç çулĕпе" Аликовская районная газета