17 августа 2013 г.
Чăваш Республикин Министрсен Кабинечĕ 2011 çулхи нарăсăн 28-мĕшĕнче «Аслă ăру» йышăну кăларнăччĕ. Республика программипе килĕшÿллĕн районти культура учрежденийĕсенче тĕрлĕрен мероприятисем иртеççĕ.
Пур вулавăшра та право информацииĕн центрĕсене йĕркеленĕ. Çавăн пекех вĕсенче компьютер пĕлĕвĕн шкулĕсем ĕçлеççĕ.Çак шкулсенче ватăрах çынсем ку чухнехи компьютерсемпе ĕçлеме хăнăхаççĕ.
Кăçалхи çур çулта 117 çын компьтер техникине «алла илнĕ», пĕтĕмпе 46 тĕрлĕрен мероприяти ирттернĕ. Районта куравсем, смотрсемпе конкурссем йĕркелесси, юбилярсене саламласси йăлана кĕнĕ.
Культурăпа кану учрежденийĕсенче, вулавăшсемпе музейсенче ватă çынсем валли кăмăла çĕклекен пĕрлешÿсемпе клубсем уçнă. «Хĕлхем» физкультурăпа спорт комплексĕнче пенсионерсем валли сывлăх гимнастикин секцийĕ ĕçлет.
Источник: "Пурнăç çулĕпе" Аликовская районная газета