14 сентября 2007 г.
Ачасем пулăшрĕç
Енĕш Нăрвашри Данилов ячĕллĕ урамра Василийпе Александра Ивановсем пурăнаççĕ. Вĕсем иккĕшĕ те 8-мĕш теçеткене ваклаççĕ. Василий Иванович пенсие тухиччен нумай çул хушши шкулта завхоз пулса ĕçленĕ. Çулĕсем пур пулин те, Ивановсем ахаль лармаççĕ, хушма хуçалăхра тĕрлĕрен улма-çырла, пахча-çимĕç ÿстереççĕ. Енĕш Нăрваш шкулĕнчи 8-мĕш класра вĕренекенсем нумаях пулмасть ватăсене çĕрулми пухса кĕртме пулăшрĕç. Алексей Печков, Сергей Михайлов, Денис Сергеев, Алексей Скороходов, Евгений Майраслов, Алексей Ефимов, Димитрий Николаев Василий Ивановичсен пахчинче хавхаланса ĕçлерĕç. Василий Ивановичпа Александра Алексеевна ачасене чун-чĕререн тав турĕç.
Источник: "Ял ĕçченĕ"