14 сентября 2007 г.
Çулсене якатса тирпейлерĕç
Енĕш Нăрваш ялĕнче газ пăрăхĕсене çĕр айне вырнаçтарнă хыççăн нумай урамра тăпрана шыв çурса кайнă пирки çулсем ланкашкаллă пулса юлчĕç. Çавăнпа ял тăрăхĕн администрацийĕ çулсене тÿрлетессипе тимлет. Ялти палăк умĕнче площадка тума Тăвайри сельхозхими вĕтĕ чул турттарса пачĕ. Ял тăрăхĕ ку ĕçсене тума бюджетра 12400 тенкĕ уйăрчĕ.
Çул-йĕрсене тÿрлетме ялти уйрăм çынсем те хутшăнаççĕ. Йăлăм касри Токсин ячĕллĕ урамра В.Данилов предприниматель çĕнĕ магазин уçрĕ. Çумăрсем пуçланса кайиччен вăл хăй вăйĕпех вĕтĕ чул турттарса килчĕ, магазин умне якатса тирпейлерĕ.
Хумма Çеменĕ урамне тирпейлеме М.Иванов вак кирпĕчсем турттарса парса пулăшрĕ.
Источник: "Ял ĕçченĕ"