15 декабря 2015 г.
Енĕш Нăрвашри культура çуртĕнче нумаях пулмасть "Сенкер чаршав уçăлсан" уяв каçĕ пулчĕ. Халăх театрĕн артисчĕсем "Виçĕ хĕре пĕр каччă" спектакльпе "Пенси укçи мыскари" интермедине, кулăшла кĕвĕллĕ композици, Н.Айзманăн "Шикли - шикленнĕ, кĕрĕк пĕркеннĕ" комедине лартса пачĕç.
Зоя Васильева, Вячеслав Ефимов, Татьяна Пурш, Владимир Ефимов, Елена Пурш, Галина Русская, Валентина Степанова енĕшнăрвашсен кăмăл-туйăмне çĕклессишĕн чылай тăрăшрĕç.
В.ВАСИЛЬЕВ.
Сăн ỹкерчĕкре: спектакльти курăну
Источник: "Ял ĕçченĕ"