Публикации » Кушкăра – çĕнĕ магазин

01 января 2014 г.

Уявра нумайăшĕ çывăх çыннисем валли парнесем хатĕрлет. Районти кооператорсем Çĕнĕ çул умĕн Кушкăра пурăнакансене пысăк савăнăç кÿчĕç – райцентртан инçе вырнаçнă пĕчĕк ялта куллен кирлĕ таварсен магазинĕ алăкĕсене уçрĕ. Ăна пĕр уйăх хушшинче туса пĕтерсе хута ячĕç. Халиччен киоск кăна тивĕçтернĕ ял-йыша.

Ял ĕçченĕсене çĕнĕ çурт уявĕпе Чăвашпотребсоюз совечĕн председателĕ В.М.Павлов, “Тăвайри кооператив” потребобщество ертÿçи В.Н.Федоров, райадминистраципе Енĕш Нăрваш ял тăрăхĕн пуçлăхĕсем В.А.Ванеркепе В.В.Петров, “Фарт–Сервис” ООО генеральнăй директорĕ Д.И.Ерцев ăшшăн саламларĕç. Магазинти сентресем çинче ытларах республикăра туса кăларнă таварсем. Уяв хăнисем вырăнти продуктсене астивсе пăхрĕç. Пухăннисене Тăвай ен артисчĕсем хăйсен пултарулăхĕпе килентерчĕç.

В.МИХАЙЛОВА.

Сăн ÿкерчĕкре: магазин уçнă вăхăтра.

Источник: "Ял ĕçченĕ"