01 июля 2011 г.
Енĕш Нăрваш ял тăрăхĕнче çамрăксене çарпа патриотла воспитани парасси çине пысăк тимлĕх уйăраççĕ.
Тунти кун администраци çуртĕнче çар службине каякансене савăнăçлă лару-тăрура ăсатнă. Тăваттăн вĕсем – Владимир Витальевич Степанов, Григорий Сергеевич Димитриев, Константин Владимирович Евдокимов тата Дмитрий Вячеславович Иванов. Библиотека заведующийĕ З.В.Мижеева призывниксемпе пĕлÿ викторини ирттернĕ. Ял тăрăхĕн пуçлăхĕ В.В.Петров, çарпа учет сĕтелĕн инспекторĕ Л.А.Николаева, ашшĕ-амăшĕ, юлташĕсем, ял çыннисем вĕсене Тăван çĕр-шыв умĕнчи тивĕçе чыслăн пурнăçлама, хăюллă та маттур салтаксем пулма, çирĕп сывлăх, ăнăçу суннă.
Источник: "Ял ĕçченĕ"