14 декабря 2019 г.
«Победа» сахал яваплă обществăн ĕне ферминче тĕрлĕ ĕçсене пурнăçлама хутшăнакан Владимир Сергеевăн кăмăл-туйăмĕ хавхалануллă.
Ял вĕçĕнчи çуталса ларакан вĕр çĕнĕ фермăна вăл кашни кун тулли кăмăлпа çитет, килне те савăнăçпа таврăнать.
Хăйне шанса панă ĕçе тĕплĕн пурнăçлама тăрăшакан пуçаруллă çынна общество дирекцийĕ енчен те пĕрре мар тимлĕх уйăрнă. Ахальтен мар ăна кăçалхи Акатуй уявĕнче Чăваш Республикин Пуçлăхĕн Тав çырăвĕпе алла çыхмалли сехетне парса чыс тунă.
Автор сăн ÿкерчĕкĕнче: Владимир Сергеев хуçалăхра ĕç-хĕл ăнса пынипе кăмăллă.
Источник: "Елчĕк Ен"