15 апреля 2017 г.
Районти ялхуçалăх предприятийĕсенче çак эрне тăршшĕпех кĕр тыррисемпе нумай çул ÿсекен курăксен лаптăкĕсене минераллă удобренисемпе апатлантарас ĕçе йĕркелерĕç.
Яваплă ĕçе пурнăçлама «Прогресс» АХОра тата «Рассвет» ЯХПКра, «Победа» ОООра тата «Комбайн» ЯХПКра, «Яманчурино» ОООра чи малтан пуçăннă. Çĕрле шăнтнипе усă курса ирхи кÿлĕм, анасем пылчăкпа çăрăлма пуçличчен, палăртнă лаптăксенчи кĕр тыррисемпе нумай çул ÿсекен курăксене минераллă удобренисемпе апатлантарма ĕлкĕреççĕ.
Сăмах май, «Прогресс» АХОра тата «Рассвет» ЯХПКра çак ĕçе вырăнта ăсталанă минераллă удобрени сапакан «Туман» йышши агрегатсемпе усă курса пурнăçлаççĕ.
Источник: "Елчĕк Ен"