Публикации » Пирĕн пата Мускав кĕрешÿçисем килеççĕ

11 февраля 2017 г.

Çапла. Пирĕн пата, Елчĕке, панкратион /правилăсăр спорт çапăçăвĕ/ мелĕпе кĕрешсе «Олег Захаров кубокĕ» Пĕтĕм тĕнчери турнира хутшăнма Мускаври тата ытти хуласенчи спортсменсем килеççĕ. Кун пекки халĕччен пулман. Района йĕркеленĕренпе 90 çул çитнине халалланă турнир Исемпелĕнче çуралса ÿснĕ, халĕ Мускаври спорт шкулне ертсе пыракан Олег Захаров, тĕнче класлă спорт мастерĕ пуçарнипе февралĕн 18-мĕшĕнче «Улăп» ФОКра иртет. Унта 77 кг виçери 8 спортсмен хутшăнать. 17 сехетре пуçланакан турнира курма тÿлевлĕ кĕртеççĕ. Билетсем - 300-500 тенкĕ. Билетсене «Улăпра» сутма пуçланă ĕнтĕ.

Источник: "Елчĕк Ен"