11 января 2017 г.
Кушкă ялĕнче пурăнакан таврапĕлÿçĕ, канăçсăр чун-чĕреллĕ Илья Матвеевич Трофимов 75 çул тултарнă. Пурнăçри паллă кун ячĕпе ăна ял-йыш, юлташĕсем саламланă.
Вăл хăйĕн ĕмĕр тăршшĕнчи пархатарлă ĕçĕ-хĕлĕшĕн патшалăх наградисене тивĕçнĕ. Вĕсенчен паллăраххисем Ĕçлĕх Хĕрлĕ Ялав орденĕпе ВДНХн бронза медалĕ.
Ял халăхĕ ĕмĕр-ĕмĕр ырăпа асăнса тăмалла пархатарлă ĕçсене хастаррăн хутшăнакан Илья Трофимов çак çулсенче ял тăрăхĕнче нумай йывăç лартса çитĕнтернĕ. Унăн тепĕр сумлă ĕçĕ - çамрăк çывăх юлташĕпе Владимир Галошевпа пĕрле хатĕрленĕ «Батальон моей Родины» документлă фильм. Унта Аттелĕхĕн Аслă вăрçинче Тăван çĕршыва тăшмансенчен хÿтĕленĕ Кушкă ялĕнче çуралса ÿснĕ фронтовиксем çинчен каласа кăтартнă.