23 ноября 2016 г.
Раççей Федерацийĕн Президенчĕн Владимир Путинăн йышăнăвĕпе килĕшÿллĕн, кăçалхипе 4-мĕш хут декабрĕн 12-мĕшĕнче Пĕтĕм Раççейре çынсене хăйсен ыйтăвĕсемпе йышăнмалли кун иртет. Çак кун çынсене Раççей Президенчĕн Мускаври, федераци округĕсенчи, Раççей субъекчĕсен администраци центрĕсенчи йышăну пÿлĕмĕсенче, регионсенчи патшалăх тата ĕç тăвакан влаç тытăмĕсенче, вырăнти хăйтытăмлăх органĕсенче йышăнаççĕ.
Унăн тĕп тĕллевĕ - патшалăхăн тата вырăнти хăйтытăмлăхăн кирек хăш органĕсенче те çынсен ыйтăвĕсене, çырăвĕсене туллин татса парасси.
Пĕтĕм Раççейри йышăну кунĕнче çынсем хăйсене интереслентерекен ыйтусемпе Раççей Президенчĕн Чăваш Республикинчи йышăну пÿлĕмне, Чăваш Республикинчи патшалăх тата вырăнти хăйтытăмлăх органĕсене, Елчĕк район, ял тăрăхĕсен администрацийĕсене килме пултараççĕ.
Йышăнăва чĕрĕ черетпе йĕркелеççĕ, çумра паспорт е хăв кам пулнине ĕнентерекен ытти документ пулмалла.