23 июля 2016 г.
«Комбайн» ЯХПКра - чи пысăк ĕç укçи
2016 çулхи кăрлач-çĕртме уйăхĕсенче районти ялхуçалăх предприятийĕсенче ĕçлекенсен пĕр уйăхри вăтам ĕç укçи 14478 тенкĕпе танлашнă.
Чи пысăк ĕç укçи - «Комбайн» ялхуçалăх производство кооперативĕнче /16732 тенкĕ/, «Победа» сахал яваплă юлташлăхра /15983 тенкĕ/, «АСК-Яльчики» сахал яваплă юлташлăхра /15950 тенкĕ/, «Яманчурино» сахал яваплă юлташлăхра /15131 тенкĕ/. «Кушка» ялхуçалăх производство кооперативĕ пирки çакна калаймăн. Çак тапхăрта кунта ĕçлекен пĕр çыннăн уйăхри вăтам ĕç укçи 11526 тенкĕпе анчах танлашнă.
Сăмах май, Чăвашстат пĕтĕмлетнĕ тăрăх, палăртнă тапхăрта Чăваш Енри вăтам ĕç укçи 21149,4 пин тенкĕ пулнă, иртнĕ çулхи çак вăхăтрипе танлаштарсан çынсен шалăвĕ 3,8 процент ÿснĕ.