09 июля 2016 г.
Июлĕн 7-мĕшĕнче районта ача усрава илнĕ çемьесен форумĕ иртнĕ.
Район администрацийĕн информаципе методика центрĕн аслă методисчĕ М.Чернова, Кушкă шкулĕнчи М.Шавкина социаллă педагог, полицин районти пайĕн çул çитмен ачасемпе ĕçлекен инспекторĕ Л.Егорова, Л.Сайкина педагог-психолог, район администрацийĕн опекăпа попечительство ыйтăвĕсемпе ĕçлекен специалисчĕсем - Г.Осипова тата А.Арефьева хутшăннипе усрава илнĕ ачасен ашшĕ-амăшĕсемпе çавра сĕтел хушшинче калаçу йĕркеленĕ.
Хăйсен çемйине тĕрлĕрен шăпапа усрава илнĕ ачасене тивĕçлĕ воспитани паракан хастар амăшĕсене - Тÿскелĕнчи А.Максимовăна тата Аслă Пăла Тимешри Е.Портновăна Чăваш Республикин Вĕренÿ тата çамрăксен политикин министерствин Хисеп грамотине парса чыс тунă.