05 мая 2016 г.
«Комбайн» ялхуçалăх производство кооперативĕн пĕрремĕш комплекслă бригадинче тĕш тырă культурисене акассине вĕçленĕ. Çавна май механизаторсен кăмăл-туйăмĕ хавхалануллă.
Петр Андреев ертсе пынипе механизаторсем уяр çанталăкăн кашни саманчĕпе тухăçлă усă курма пĕлнин кăтартăвĕ куç умĕнче. Кунта пĕрчĕллĕ тата пăрçа йышши культурăсене пурĕ 252 гектар çинче акса хăварнă. Леонид Сусметов, Николай Мазюкин механизаторсем, Николай Кожевников, Александр Никифоров, Николай Плющев тата Анатолий Александров сеяльщиксем шанăçа тивĕçлипе тÿрре кăларнă. Геннадий Николаев, Алексей Васильев, Вячеслав Капламов водительсем вара уй-хире вăрлăх тата удобрени турттарнă.