06 февраля 2016 г.
Кăçалхи кăрлач уйăхĕн вĕçĕнче Раççей спорт министрĕ В.Мутко спортсменсене спорт званийĕсем парасси пирки приказа алă пуснă. Чăваш Енĕн 4 спортсменĕ «Тĕнче класлă спорт мастерĕ» ята тивĕçнĕ.
Кире пуканĕ йăтакан Сергей Соловьев, Клавдия Афанасьева, Мария Лосинова çăмăл атлетсем, Полина Федорова гимнастка спортра пысăк çитĕнÿсемпе палăрнă.
Иртнĕ çул Чăваш Енри 64 спортсмен Раççей спорт мастерĕ, 7-шĕ тĕнче класлă спорт мастерĕ пулса тăнă.
Сăмах май, Сергей Соловьев - пирĕн ентеш. Кавал ялĕн çамрăкне спортăн анлă çулĕ çине Олег Федоров тренер илсе тухнă. Кайран атлет хăйĕн ăсталăхне Борис Глинкин тренер патĕнче туптанă.