20 января 2016 г.
Кăрлачăн 25-мĕшĕнче Чăваш наци музейĕнче пирĕн сумлă ентешĕмĕре - колхоз производствин пултаруллă ертÿçине, Социализмла Ĕç Геройне Василий Васильевич Зайцева халалланă «Çын ĕçпе мухтавлă» курав иртет.
Хăйĕн пурнăçĕн 35 çулне колхоз председателĕнче ĕçлесе ирттернĕ В.В.Зайцев Аслă Пăла Тимеш ялĕнче, хресчен çемйинче çуралнă. Аттелĕхĕн Аслă вăрçи пуçлансан фронта тухса каять. Вăрçăран йывăр аманса таврăннă хыççăн ăна Ворошилов ячĕпе хисепленекен колхоза ертсе пыма суйланă.
Колхоз производствин пултаруллă организаторĕ Социализмла Ĕç Геройĕ ята, 4 хутчен Ленин, Октябрьти Революци, 2 хутчен Ĕçлĕх Хĕрлĕ Ялав орденĕсене илме тивĕçлĕ пулнă, КПСС XXII съезчĕн делегачĕ, 4 хутчен СССР Верховнăй Совечĕн депутачĕ, çавăн чухлех Чăваш АССР Верховнăй Совечĕн депутачĕ, нумай çул КПСС Чăваш обкомĕн, КПСС райкомĕн членĕ пулнă, ăна Чăваш АССРĕн тата Елчĕк районĕн Ĕç Мухтавĕпе Паттăрлăхĕн кĕнекисене кĕртнĕ.