16 декабря 2015 г.
Граждан обществин аталанăвĕн фончĕ Раççейри регионсен пуçлăхĕсен тухăçлăхĕн рейтингĕн вунпĕрмĕш кăларăмне туса хатĕрленĕ. Чăваш Ен Пуçлăхĕ Михаил Игнатьев «пысăк рейтинг» ушкăнне кĕнĕ, вăл тата 3 позици çÿлерех çĕкленсе, 70 баллă кăтартупа Саха /Якути/ Республики Пуçлăхĕпе Егор Борисовпа 34-35-мĕш вырăнсене пайланă. Федерацин Атăлçи округĕнчи 14 регион хушшинче Чăваш Ен Пуçлăхĕ улттăмĕш вырăн йышăнать. /Пĕрремĕш вырăнта - Тутарстан Республикин Президенчĕ Рустам Минниханов/.
Кĕпĕрнаттăрсан рейтингне тунă чухне 1 балран 100 балл таранчченхи хаксен виçин кăтартăвĕсемпе усă кураççĕ. 75 балран ытларах хак илнĕ кĕпĕрнаттăрсене «питĕ пысăк рейтингăн» пĕрремĕш ушкăнне, 75-рен 55 балл илнисене - «пысăк рейтинглă» иккĕмĕш ушкăна, 55 балран 40 баллисене «вăтам рейтинглă» виççĕмĕш ушкăна кĕртеççĕ.