21 ноября 2015 г.
Нумаях пулмасть «Чăваш поэзийĕн генийĕ» ятпа шкул ачисем хушшинчи К.В.Иванов çырнă вилĕмсĕр йĕркесене илемлĕ вулакансен конкурсне 60 ача хутшăнчĕ. Вĕсем виçĕ ÿсĕмре тупăшрĕç.
Çĕнтерÿçĕсен йышне А.Тарасова /Аслă Пăла Тимеш/, А.Сидорова /Аслă Таяпа/, С.Киргизова /Кушкă/ кĕчĕç. Çирĕклĕ Шăхалĕнчи Д.Герасимов, И.Иванова /Çирĕклĕ Шăхаль/, Е.Молодова, А.Данилова, Е.Цыганова, Ю.Адюкова /Елчĕк/, Д.Патшина /Аслă Елчĕк/, Н.Мусалова /Кĕçĕн Таяпа/, Е.Вишневская /Хăвăлçырма/ иккĕмĕшпе виççĕмĕш вырăнсене пайларĕç. Вĕренекенсем К.Ивановăн произведенийĕсене питĕ лайăх вуларĕç. Пуринчен те ытларах «Нарспи» поэмăн сыпăкĕсене калакансем йышлăн пулчĕç.