02 февраля 2015 г.
Ĕç стажне Аслă Пăла Тимешри участок больницинчи терапевтран пуçланăран Елчĕксен ĕçĕ-хĕлĕпе интересленсех тăратăп. Тăван район пек хаклă вăл маншăн. Юлашки çулсенче Елчĕк тăрăхĕ палласа илмелле мар хитреленчĕ, пуянланчĕ, çĕнелчĕ. Халăхăн пурнăç шайĕ те ỹсрĕ. Районта халăх сывлăхне сыхлас ĕç çине тимлĕ пăхаççĕ. Кашни ял тăрăхĕнче пĕтĕмĕшле практика врачĕн уйрăмĕсем уçнă. Вĕсенче ятарлă специалистсем тăрăшаççĕ. Халĕ инçетре пурăнакан ял çынни тỹрех районти тĕп поликлиникăна кайса вăхăта ирттермест. Вырăнтах сипленме майсем пур. Районти пĕчĕк ялсенче çĕнĕ фельдшерпа акушер пункчĕсем çĕкленсе ларни чĕрене ăшăтать. Пĕлтĕр вĕсем виççĕ уçăлнă, кăçал тата 3 фельдшерпа акушер пункчĕ ял çыннисене йышăнĕ. "Земство тухтăрĕ" программăпа района çамрăк тухтăрсем килни те ырă пулăм
В. ТЕЛЛИНА,
Раççей Федерацийĕн, Чăваш Республикин тава тивĕçлĕ тухтăрĕ,
РФ Президенчĕн шаннă çынни.