21 января 2015 г.
2014 çулта ял хуçалăх предприятийĕсенче ĕçлекенсен кашни уйăхри вăтам ĕç укçи районĕпе илсен 12352 тенкĕпе танлашнă, 2013 çулхипе танлаштарсан вăл 1497 тенкĕ ытларах пулнă.
"Комбайн" ял хуçалăх производство кооперативĕнче тăрăшакансен ĕç укçи пуринчен те пысăкрах. Унта кашни çын пĕр уйăхра вăтамран 14909 тенкĕ ĕç укçи алла илнĕ. "Победа" ООО ĕçченĕсен шалăвĕ те пысăк - 14796 тенкĕ, "АСК-Яльчики" ООО ĕçченĕсен - 14456 тенкĕ. Ленин ячĕллĕ ял хуçалăх производство кооперативĕнче, 2013 çулхипе танлаштарсан, ĕç укçин виçи 123 процент ỹснĕ, вăл 12951 тенкĕпе танлашнă.
Районăн вăтам кăтартăвĕнчен чылай сахалрах ĕç укçи тỹлекенсем те çук мар. "Урожай" ОООра, тĕслĕхрен, ĕç укçин виçине виçĕм çулхинчен 140 процент ỹстернĕ пулин те, кашни çын пуçне шутласан вăл 10333 тенкĕпе анчах танлашать. "Труд" ЯХПКра тăрăшакансен ĕç укçи те сахал - 9248 тенкĕ, "Марс" ЯХПКра тата сахалрах - 8651 тенкĕ анчах.
С.АНАТОЛЬЕВА.