16 июля 2014 г.
"Комбайн" ял хуçалăх производство кооперативĕнче сăвăнакан ĕнесене ферма çывăхĕнчи çуллахи лагере кăларнăранпах витесене хĕле хатĕрлессипе тимлеме тытăннă. Пысăках мар юсав ĕçĕсене фермăра тăрăшакансем хăйсен вăйĕпе пурнăçласси кунта йăлана кĕнĕ.
Вырмана тухиччен тыр-пула упракан кĕлетсемпе складсене тасатма, дезинфекци туса шуратма та ĕлкĕрчĕç. Çак ĕçе пурнăçлама ỹркенмен, шанăçа тивĕçлипе тỹрре кăларма пултаракан хĕрарăмсене явăçтарнă. Ял хуçалăх производство кооперативĕн председателĕн çумĕ Олег Карсаков вĕсем пирки кăмăлтан каласа кăтартать. Галина Ивановапа Галина Алексеева тивĕçлĕ канура пулин те хуçалăхăн пĕрлехи ĕçне хастар хутшăнаççĕ. Хĕллехи вăхăтра вĕсем тырă алласа сортлама хутшăнаççĕ.
Владислав Изратов механизатор тĕш тырă упракан складсене ятарлă агрегатпа усă курса малтан дезинфекци тунă, ун хыççăн тин вĕсене шуратнă.
Сăн ỹкерчĕкре: Галина Алексеевăпа Галина Иванова тыр-пул упракан кĕлетсене шал енчен анчах мар, тул енчен те шуратаççĕ.