14 мая 2014 г.
Республикăри "Чăваш Енĕн ĕнчĕ пĕрчисем" фестиваль-конкурсăн малтанхи тапхăрĕ Елчĕкри культурăпа кану центрĕнче иртнĕ. Унта 7 çултан пуçласа 17 çулхи 98 юрăçпа ташăçă хутшăннă.
Ачасем хăйсен пултарулăхĕпе куракансене тыткăнланă. Елчĕкри искусство шкулĕнчи "Вдохновение" ташă ушкăнĕ, Курнавăшри Ирина Светопольскаяпа Татьяна Мясникова, Патреккелти вокал ансамблĕ, Аслă Елчĕкри Ксюша Агеева, Аслă Пăла Тимешри Виктория Викторова юрăçсем финала тухса фестивалĕн республикăри гала-концертне хутшăнаççĕ.