13 января 2014 г.
11 января 2014 г.
Кăçалтан ашшĕ-амăшĕ хăйĕн пепкине ача садне ярас тесен килтен тухмасăрах Интернет-сайт урлă (sad.edu.cap.ru) черете çырăнма пултарать.
Черет мĕнле шунине вара патшалăх тата муниципаллă çăмăллăхсен порталне кĕрсе паллашма тата Интернетри on-line режимра вĕренỹ управленийĕн органĕсен специалисчĕсенчен пĕлме пулать.
Çĕнĕлĕхĕн ырă енĕсем нумай: черет мĕнле куçса пынине, хăйсене килĕшекен садике те, воспитани программисене те суйласа илме пулать. Заявкăна пĕр садике анчах мар, пилĕк çĕре те тăратма ирĕк пур. Электрон черете ача çуралнă хыççăнах тăма юрать.
Килте компьютерпа Интернет çуккисем садике вырăн ыйтса çырнă заявление, унчченхи пекех, вĕренỹ пайне е нумай функциллĕ центра пама пултараççĕ.