27 ноября 2013 г.
27 ноября 2013 г.
Чỹк уйăхĕн 25-мĕшĕнче Чăваш Ен Пуçлăхĕ Михаил Игнатьев республикăри районсемпе хуласен администрацийĕсен пуçлăхĕсемпе видеоконференци ирттернĕ.
Малтанах Михаил Васильевич сивĕтме пуçланă май пушар ытларах тухни, шыв çинче пăр хытсах ĕлкĕрменнипе инкек нумайрах пулни çинчен пăшăрханса каланă, çавна май муниципалитетсен ертỹçисен уйрăмах тимлĕ пулмаллине палăртнă. Республика Пуçлăхĕ ку тĕлĕшпе профилактика мерисене вăйлатма сĕннĕ.
Халăха грипран тата вируслă ерекен чирсенчен асăрхаттарас енĕпе тăвакан ĕçсем çинчен Чăваш республикин Министрсен Кабинечĕн Председателĕн çумĕ - сывлăх сыхлавĕпе социаллă политика министрĕ Алла Самойлова каласа кăтартнă.
Михаил Игнатьев халăха грипран тата вируслă ерекен чирсенчен вакцинаци тумаллине палăртнă, ку тĕлĕшпе районсемпе хуласен администрацийĕсен пуçлăхĕсене ĕç паракансен укçи-тенкине явăçтарма, хушма укçа-тенкĕ шучĕпе промышленноç предприятийĕсен, суту-илỹ, общество апатланăвĕн, çыхăну, йăла ыйтăвĕсене тивĕçтерекен, финанспа кредит учрежденийĕсен ĕçченĕсене грипран вакцинаци тăвассине тивĕçтермешкĕн мерăсем йышăнма чĕнсе каланă.
Чăваш Республикин экономика аталанăвĕн, промышленноçпа суту-илỹ министрĕн тивĕçĕсене вăхăтлăха пурнăçлакан Владимир Аврелькин вырăнти хăй тытăмлăх органĕсем РФ Правительствин 2012 çулхи раштавăн 27-мĕшĕнчи хушăвне мĕнле пурнăçлани çинчен пĕлтернĕ.
Михаил Игнатьев муниципалитет администрацийĕсен пуçлăхĕсене алкоголь продукцийĕ сутассине йĕркелекен нормативлă актсене пурнăçланине çирĕп тĕрĕслеме, йĕркене пăсакансене явап тыттарма хушнă.
А.ВАСИЛЬЕВА.