14 октября 2013 г.
Район администрацийĕн пысăк залĕнче наркотиксемпе усă курнине хирĕç кĕрешекен комиссин черетлĕ канашлăвĕ пулса иртнĕ.
Наркотиксемпе усă курнине хирĕç кĕрешекен комиссисен председателĕсем - Аслă Пăла Тимеш, Аслă Таяпа, Кĕçĕн Таяпа ял тăрăхĕсен пуçлăхĕсем В.Рыбкин, В.Сапожникова, В.Петров комиссисен ĕçĕ-хĕлĕпе паллаштарнă. Ял тăрăхĕсенче сывă пурнăç йĕркине тытса пырас, наркотик пур ỹсен-тăрансене ỹстерме чарас, унăн сиенĕ пирки халăха пĕлтерсех тăрас пирки чарăнса тăнă. Пĕтĕм Раççейри "Вилĕм ăçта сутнине пĕлтер" тата "Çамрăксем сывă пурнăç йĕркишĕн" акцисене хутшăнса наркотиксене хирĕç кĕрешес ĕçе вăйлатмаллине палăртнă.