14 октября 2013 г.
Районта тирпей-илем кĕртес енĕпе ĕçсем малалла пыраççĕ. Акă, "Комбайн" ял хуçалăх производство кооперативĕн правленийĕн территорийĕнче Аттелĕхĕн Аслă вăрçинче пуç хунă воинсене асăнса лартнă палăк умĕнче тирпей-илем кĕртнĕ. Çавăн пекех шкул пулнă вырăнта чăрăш тата пилеш йывăççисем лартнă.
х х х
Тăрăм ял тăрăхĕнче те тирпей-илем кĕртес енĕпе ĕçсем пыраççĕ. Кунта та Аттелĕхĕн Аслă вăрçинче пуçне хунă воинсене асăнса лартнă палăк, информаципе культура центрĕн территорийĕнче 150 хырпа чăрăш вырăн тупрĕç.
х х х
Аслă Пăла Тимеш ялĕнче экологи субботникĕсем малалла тăсăлаççĕ. Кунта Тĕп урамра тирпей-илем кĕртнĕ.