Публикации » Куç ывăннине ирттерме

19 декабря 2012 г.

 Компьютер умĕнче нумай вăхăт ирттерекен çынсен куçне сыхламалла. Кун каçа куç ывăннине ирттерме гимнастика тумалла. 1. Куçа темиçе çеккунт хăвăрт-хăвăрт хупса уçмалла. 2. Тỹрĕ лармалла. Унтан васкамасăр мачча çине пăхмалла, темиçе çеккунт иртсен куçа майĕпен аялалла антарса урайне тинкермелле. 3. Пуçа çавăрмасăр сулахаялла, унтан сылтăмалла пăхмалла. 4. Чỹрече умне пырса аякка тинкерĕр, унтан сăмса тăррине пăхăр. Çапла темиçе хутчен тумалла. 5. Темиçе хутчен куçăра хытă хупăр. Унтан 20-30 çеккунт куç уçмасăр лăпкăн ларăр. 6. Хăлхан аялти вĕçне йăвалăр. Кунта куçпа çыхăннă пăнчăсем пур. Çакăн пек хусканусем куçсене упрама пулăшĕç

Источник: "Елчĕк Ен"