Публикации » Энтепе ялĕнче субботник иртрĕ

25 апреля 2013 г.

 Культура ĕçченĕсемпе медпунктра ĕçлекенсем кăнтăрлаччен яла пырса кĕрекен территорине тирпей-илем кĕртрĕç. Ун хыççăн Сăръел ялĕ енчен пырса кĕрекен çул хĕррине, аллейăна тасатрĕç. Ушкăнпа пурнăçламалли ĕçе хастар хутшăнакансен ячĕсене уйрăммăн палăртса калама кăмăллă. Шкулта вĕренекенсем - Люба Михеевăпа Аня Михеева, Саша Баскаковпа Настя Баскакова субботника пысăк яваплăхпа хутшăнчĕç. Катя Герасимова та икĕ пĕчĕк ачине кỹршисем патне хăварса çак ĕçрен пăрăнса юлмарĕ.

Тата çакна та курса тĕлĕнтĕмĕр: шкул кассинче пурăнакан 87 çулхи Клавдия Кушникова хуларан килнĕ хĕрĕсене тата мăнукне урам тасатма илсе тухнă. Вĕсем хаваспах ял илемĕшĕн тăрăшрĕç.

Э.АРТЕМЬЕВА. Энтепе ялĕ.