Публикации » Водительсене пĕлме

05 декабря 2012 г.

РФ Правительствин кăçалхи чỹк уйăхĕн 12-мĕшĕнчи 1156-мĕш йышăнăвĕпе килĕшỹллĕн, водителĕн ют транспорт хатĕрĕпе çỹренĕ чух шантару хучĕ илсе çỹремелли тивĕçне çул-йĕр правилисенчен кăларнă. Çапла вара водителĕн ют транспорт хатĕрĕпе çỹренĕ чух водитель удостоверенийĕ, транспорт хатĕрĕн регистраци свидетельстви, ОСАГО страховани полисĕ çителĕклĕ. Анчах та страховани килĕшĕвĕнче çак транспорт хатĕрĕпе çỹреме пултаракан уйрăм çынсене е унпа кирек кам та çỹреме пултарнине палăртмалла. Маларахри улшăнусемпе килĕшỹллĕн, техника тĕрĕслевĕнче пулнине ĕнентерекен талон та илсе çỹремелле мар. Транспорт хатĕрĕсене регистрацилессинче те улшăнусем пур. Маларах транспорт хатĕрĕсене 5 кунра регистрацилемелле пулнă, халĕ - вунă кунра. А.АДЮКОВ.

Источник: "Елчĕк Ен"