31 мая 2012 г.
Çĕнĕ Шупашкарта штангистсем Олимп чемпионĕн, СССР тава тивĕçлĕ спорт мастерĕн Н.Колесниковăн призĕсемшĕн Пĕтĕм Раççейри XIV турнира, çавăн пекех пĕрле ирттернĕ Чăваш Енĕн ăмăртăвне хутшăннă. Чи малтанах помост çине хĕрсем тухнă. 48 кг виçере Л.Иноходова икĕ енлĕ ăмăртура 118 кг пухса пĕрремĕш вырăна тухнă. М.Портнова 53 кг виçере иккĕмĕш вырăн йышăннă. Арçынсенчен 62 кг виçере пирĕн командăран 3 атлет хутшăннă. А.Иноходов - иккĕмĕш, А.Зайцев - виççĕмĕш, А.Никитин - тăваттăмĕш вырăнсенче. 69 кг атлетсенчен П.Портнов палăрнă. Икĕ енлĕ ăмăртура 241 кг пухса Чăваш Республикин ăмăртăвĕн ылтăн медальне çĕнсе илнĕ, Пĕтĕм Раççейри ăмăртура 5-мĕш вырăн йышăннă. Чăваш Енĕн ăмăртăвне хутшăнса хăйсен виçисенче Е.Ертмакова, Д.Зайцев - пĕрремĕш, Н.Конюков (Çĕнĕ Пăва) - иккĕмĕш, П.Филимонов - виççĕмĕш, А.Александров (Елчĕк) тăваттăмĕш вырăнсене тухнă
Источник: "Елчĕк Ен"