21 мая 2012 г.
Кавал ялĕнче пурăнакан тăватă мăшăр пĕрле пурăнма тытăннăранпа 50 çул çитнине паллă тунă. Елизавета Семеновнăпа Николай Михайлович Казаковсем, Нина Григорьевнăпа Герман Деомидович Капламовсем, Анастасия Федоровнăпа Николай Васильевич Шиловсем, Клавдия Алексеевнăпа Иван Валентинович Федоровсем пурнăç çулĕпе çур ĕмĕр пĕрле утаççĕ. Кашни çемье ача-пăча çуратса ỹстернĕ, халĕ мăнукĕсем те пысăк ĕнтĕ. Хăй вăхăтĕнче вĕсем колхозра, ытти çĕрте тăрăшса ĕçленĕ, патшалăх наградисене тивĕçнĕ. Ялти культура çуртĕнче ирттернĕ çемье уявĕнче вĕсене Чăваш Республикинчи культура, национальноçсен ĕçĕсен, информаци политикин тата архив ĕçĕн министрĕ Р.Лизакова, район администрацийĕн пуçлăхĕ Н.Миллин ăшшăн саламланă, нумай çул пĕрле пурăнма ырлăх-сывлăх суннă.
Автор сăн ỹкерчĕкĕ
Источник: "Елчĕк Ен"