Публикации » Пысăк активлăхпа палăрнисене чысланă

16 мая 2012 г.

Çак кунсенче 2011-2012 çулсенчи федераци тата республика шайĕнчи суйлав кампанийĕсен ĕç-хĕлне пĕтĕмлетнĕ. Пĕтĕмлетỹ кăтартăвĕсене тĕпе хурса Елчĕк район администрацийĕн ларусем ирттермелли залĕнче суйлав кампанийĕсен вăхăтĕнче пысăк активлăхпа палăрнă участоксенчи суйлав комиссийĕсен председателĕсене чысланă. Н.Ильина (Элпуç), С.Киселева (Аслă Шăхаль), З.Тихонова (Хĕрлĕçыр) тата районти Тĕп суйлав комиссийĕн членĕ З.Мисяков, Сăрьел ялĕнче вырнаçнă суйлав комиссийĕн секретарĕ А.Юсупова, Чăваш Республикин Тĕп суйлав комиссийĕн ертсе пыракан специалисчĕ Н.Чернова Чăваш Республикин Тĕп суйлав комиссийĕн Хисеп хучĕсене тата Тав хучĕсене тивĕçнĕ. Аслă Елчĕк ял тăрăхĕн пуçлăхне В.Афанасьева тата "Ростелеком" ОАО ертỹçине А.Алюкина Тав çырăвĕсемпе чысланă. Участоксенчи суйлав комиссийĕсен хушшинче иртнĕ конкурсра Кушкă ялĕнче вырнаçнă суйлав участокĕ (председателĕ - Р.Портнов) мала тухса укçан премие тивĕçнĕ

Источник: "Елчĕк Ен"