06 июня 2007 г.
Шăматкун Тушкилте аслă пахчара ял уявĕ иртрĕ. Ку вырăна ялав-семпе, шарсемпе капăрлатнă. Суту-илÿ йĕркеленĕ. Çанталăкĕ те хĕвеллĕ, ăшă тăчĕ. Уява Ачасен çулталăкĕпе çыхăнтарнă.
Тушкил ял тăрăхĕн пуçлăхĕ П.И.Захаров ял-йыша, хăнасене ыр-лăх-сывлăх, телей, ĕçре ăнăçусем сунчĕ. Уява пухăннисене çавăн пекех райадминистрацин вĕрентÿ тата çамрăксен политикин пайĕн начальникĕ В.Я.Шакров саламларĕ.
Шкул ачисем концерт кăтартрĕç. Пĕр вăхăтрах спорт вăййисем пычĕç: волейбол, футбол, кире пуканĕ йăтасси, алă вăйĕ виçесси, чупасси. Чи вăйлисем парнесене тивĕçрĕç.
Юрă-кĕвĕ каллех куракансене хăй патне илĕртрĕ. Петр Борисовпа Валентина Никитина илемлĕ юрăсем шăрантарчĕç. Иван Матвеевпа Владимир Медведев купăс каласа ташлаттарчĕç.
Каçченех тăсăлчĕ уяв. Пурте тулли кăмăлпа саланчĕç.
Источник: "Ял ĕçченĕ"